ما هي أسعار التأمين الصحي الخاص في الأردن

تتفاوت اسعار التأمين الصحي وفقاً لعدة أمور، منها: التغطية المقدمة، وشبكة الأطباء ودرجة العلاج، واذا في اسنان ولا لا، وحسب العمر، والعلاج الطبيعي ، والأدوية ... الخ .
لو ناخد مثال البنك الاردني الكويتي/شركة الشرق العربي للتأمين يقدم تأمين صحي كراون عائلتي ؛ لاحظ لما تفتح الرابط في اكثر من درجة ، وموضحكلك عند كل درجة مقدار التأمين الصحي حسب العمر والجنس فالأسعار تتراوح ما بين 254 دينار اردني/سنوياً للفرد من اصغر فئة عمرية من الدرجة الثالثة إلى 1,268 دينار اردني/سنوياً  للفرد من أكبر فئة عمرية من الدرجة الخاصة.. حيث ان كلما زادت الدرجة وكلما زاد العمر بيزيد الاشتراك السنوي..

طبعاً ما يغرّك الاعلانات "أمّن عيلتك" ب 50 دينار سنوياً.. وقت الجد بتلاقي هاد سعر جزء من التأمين وبصير يقلك احنا حكينا ابتداءً من 50 دينار.. أو انو شبكة محدودة من الدكاترة ولأمراض معينة.. 
لذلك قبل ما تشترك بأي تأمين لازم تاخد بعين الاعتبار العوامل اللي ذكرناها فوق.. ومو غلط تمر على أكتر من شركة تأمين لتقارن عروض الاسعار وشو منهم اللي بلبي حاجتك انت على وجه الخصوص.. وقبل ما توقع العقد تأكد من كافة البنود وانو اي اشي بدك اياه لازم يكون مكتوب مو بس شفوي..