هل هناك عمل لي لأجمع منه مصروفي وأنا طالب؟

أشتغل وأنا طالب إزاي؟ وكمان في كلية عملية واقف ع رجلي طول اليوم!

الكلام اللي جاي دا منقول من صديقتي دكتورة بشرية شغالة في مجال كتابة المحتوى الطبي على مواقع العمل الحر بقالها أكثر من ٧ سنين يعني من وهي بتدرس في الجامعة.. نركز بقي 👌🏻 

🔷 هشتغل اية وأنا طالب ولسة بدرس؟
مجال العمل الحر مجال لا يفرق فيه شهادة ولا سن كل اللي يفرق ويميز المستقل هو الخدمة اللي بيقدمها ومدي جودتها ورضي العملاء عنها. 

🔷 أية أنواع الخدمات اللي مممكن أقدمها على مواقع العمل الحر؟
الخدمات كتير ومتنوعة زي كتابة المحتوى والترجمة والتصميم والاستشارات وعمل الابحاث والسكرتارية والمونتاج.. وغيرهم كتير من الخدمات الموجودة على المواقع العربية والأجنبية كل اللي عليك تشوف ميولك واهتمامتك بتروح فى انهي اتجاه وتختار ع أساسها. 

🔷 ازاي أشتغل وأنا في الدراسة؟
وقت الأجازة كلنا عندنا وقت فاضي نتعلم ونشتغل لكن وقت الدراسة هنشتغل إزاي خاصة الناس اللي في كليات عملية!

خلينا نتفق إن الموضوع مش سهل ولكن مش صعب لو الإنسان عنده إرادة قوية عشان يحقق أهدافه في الحياة وقادر ينظم وقته بشكل صحيح، أثناء الدراسة أنت بس هتحتاج ساعتين أو تلاتة بالكتير هتقسمهم حسب المشروع اللي شغال عليه وبين تحسين مهاراتك في الخدمة اللي بتقدمها، يعني لو بتاخد كورس تصميم اتفرج عليه وانت في المواصلات ولما تروح حدد فترة معينة تطبق فيها اللي اتعلمته وهكذا بحيث تستغل كل وقت فاضي حتي بين المحاضرات ممكن تنجز شغلك. 

🔷هل الشغل من البيت هيأثر على التحصيل الدراسي لأصحاب الكليات العملية؟
من وجهة نظري إن اللي فى كلية عملية زي علوم وصيدلية وطب.. وغيرهم من الكليات دي يشتغل كاتب محتوي طبي بالغتين العربي والانجليزي، أو مترجم لمقالات طبية ودا هيخدم الدراسة جدا وهيخليكوا في نفس الدايرة بحيث متقصروش في الدراسة، و مجال المحتوى الطبي مطلوب جدا على مواقع العمل الحر بأنواعها لان مش اي حد بيشتغل فى المجال الا المتخصصين.