بعد الأزمة اللي إحنا فيها دى ( ربنا يلطف بينا جميعاً) شركات كتير هتحول شغل موظفيها للشغل من البيت مش بس فى مصر لكن على مستوي العالم، ودا مش بس حفاظاً على حياتهم والتعامل مع الأزمة ولكن عشان شافوا بالتجربة العملية مميزات الشغل من البيت للموظف والشركة كمان، بس فى ناس كتير لسة خايفة أو مش فاهمة إزاي أنجح وانا بشتغل من البيت!
من وجهة نظري ومن خلال تجربتي مع الشغل من البيت خاصة بعد ما بقيت أم سر النجاح الوحيد هو التحكم بالوقت وتعلم كيفية إدارة اليوم بتاعك، لأنك ببساطة لو عرفت إزاي تمشي يومك صح متقسم بين شغلك ومهامك وراحتك هتحقق نجاحات مبهرة في المستقبل إن شاء الله ❤️
طب إزاى أتحكم بالوقت اصلاً ؟
أنا عن نفسي بقسم تنظيم الوقت لنقطتين:
1. تحديد المهام الأسبوعية: وهنا أنا بحدد أنا هعمل اية طول الأسبوع مهام الشغل واية اللي المفروض هسلمه لحد هعمل أكل اية لأسرتي، وكل حاجة متحدده هتاخد مني وقت قد اية بالظبط.
2. تحديد المهام اليومية: كل يوم الصبح بدري أو قبل منام بحدد أنا هعمل اية تاني يوم بالتفصيل وكل مهمة من الساعة كام لحد كام بالظبط.
طبعاً الطريقة دي هتاخد وقت كبير جداً عشان تنظموا فيها ولكنها فعاله جدا على المدي البعيد، ومش هنكر في أيام بمل فيها التنظيم دا وبسيب اليوم يمشي بشكل عشوائي ودا بيبقي ايام الأجازات بشكل عام.
749 مشاهدة
