أصعب جملة كنت بسمعها أيام الجامعة لما الدكتور يقول " المحاضرة اللي جاية كل واحد يكون معاه ١٠ أفكار عن مشروعه" وكنت ببقي مرهقة جدا من كتر التفكير عشان اطلع بأفكار مميزة تنفع تتنفذ على أرض الواقع، ودا اللي بيحصل حاليا لناس كتير خاصة اللي شغالين في مجال بيتطلب منهم كتابة محتوى باستمرار.
ربنا ميز الإنسان بالعقل اللي هو آلة صناعة وإنتاج الأفكار لكن عشان نشغل الآلة دي لازم يبقي فيه مقومات تساعد على أنها تنتج أفكار مميزة والمقومات دي هي:
١. القراءة، القراءة بتخلينا نسافر جوة آلات ناس تانية فيها بحور من الأفكار والآراء اللي ممكن متخترش على بالنا الا لو قرينا كلامهم وشوفنا وجهات نظرهم في موضوعات بعينها، ومش قصدي هنا قراءة الروايات أو الكتب بس ولكن قراءة المقالات والمنشورات المطولة اللي بتشرح وجهة نظر في موضوع معين زي منشورات الجميلة الآء حمدان
@alahamdan ❤️
٢. التجارب الشخصية، التجربة هى أفضل حاجة ممكن الإنسان يتعلم منها ويفيد غيره، يعني مثلا لو عندنا صورة ذهنية عن بلد معينة زي أفغانستان اللي كتير مننا شايف انها بلد كلها حاجات غير مشروعة وكان مصدرنا الوحيد للصورة دي هو الإعلام الغربي، فلما يجي شخص يقرر يزور أفغانستان وينقلنا الواقع بالصوت والصورة لايف أكيد تجربته دي هتغير مفاهيم ناس كتير وهيبقي قدم محتوى مفيد ومميز من خلال التجربة الشخصية، واللي قدم محتوى مميز عن أفغانستان كان المُبدع
@almowhed
٣. الاستمرارية، استمرار اى عمل يعني نجاحه في المستقبل، ناس كتير بتقدم محتوى فعلا مميز ومفيد ولكن مبيكملوش فيه ودا بيبقي سبب عدم تطوره وبالتالي عدم إهتمام الجمهور وانه يدخل طي النسيان فى النهاية.
35 مشاهدة
