ما هو الفرق بين مشاعر الحب والإعجاب والتعلق

برأيي لو رتبناهم من الدرجة الأعلى للأقل فتبدا بالتعلق ثم الحب ثم الإعجاب ،، الإعجاب فى نظرى بيكون شعور سطحى يعنى قد تعجب بشخص سواء ولد او بنت ممكن لشكله او انه sweet talker او طريقة لبسه يعنى الإعجاب بيكون للأشياء الظاهرية ليك ،، انما انى احب شخص معناه انى بحب العيوب قبل المميزات بشوفه احسن حد فى الدنيا وأنه مميز جدا حتى لو كل اللى حواليا رأيه فى الشخص مخالف لنظرتى ،، الحب بيخليك تتقبل الشخص كما هو ،، ودا مش معناه ان العيوب متتغيرش او منتقدهاش ،، اصلا انى انتقد العيوب وأحاول أغيرها دا من الحب لانى عاوزاه يكون شبه مثالي ودا معناه انى بحبه وان الشخص بالنسبالى حاجة مهمة جدا ،، التعلق دا انا بشوفه درجة حب كبيرة جدا لازم تكون لشخص واثق انه مش هيخذلك ،، تتعلق بشخص يعنى بالظبط بقى جزء لا يتجزا منك متستغناش عنه أبدا ،، وانا بفضل الشخص ميوصلش فيها مع حد غير مع ربنا لانه سبحانه ثابت الوجود ،، انما البشر محدش فيهم وجوده ثابت ولا مستمر لان فى موت وفراق وظروف حياة وحاجات كتير اوى .

هناك اختلاف بين الحب و الاعجاب فالحب فيه تضحيات و التعمق بمعرفة الطرف الآخر اكثر اما الاعجاب فمن الممكن ان يختفي بعد فترة قصيرة و من الممكن ان يكون مجرد نزوة لا اكثر