الوقت هو رأٍس مال الفريلانسر في كل المجالات مهما كانت، وعشان تنجح فى إدارة وقتك لازم تفهم أنه أهم أداة لنجاحك سواء على المستوي العملى أو المستوى الشخصى، طب اية المطلوب عشان تحافظ على وقتك وتحقق نجاح فى حياتك بشكل عام ؟
1. حدد أولوياتك، لازم تقعد مع نفسك وتشوف اية في حياتك لية الأولية الشغل، ولا البيت ، ولا الدراسة، يعني أنا مثلا الأولوية في حياتي لبنتي وبعدها بيجي الشغل وبكدا أنا عارفة اية أهم الحاجات اللي المفروض تكون واخده كل وقتي.
2. خطط ليومك صح، التخطيط اليومي هو أداة فعالة لادراة الوقت بنجاح على المدى الطويل، لازم تعمل قائمة مهام يومية بالساعة يعني مثلا أنا هرتب البيت من الساعة 9 للساعة 10 وهبدأ في الشغل من 10 ونص لحد الساعة 2 وهكذا.
3. الرفاهية مطلوبة، وقت الرفاهية مطلوب جدا عشان ميحصلش فطور من كتر الضغط من شغل ودراسة وهكذا، وطبعاً وقت الرفاهية يكون بتناسب مع وقت الشغل أو الدراسة.
لازم تفهم إن الوقت دا حاجة نعمة كبيرة من ربنا لازم نحافظ عليها ونستغلها صح عشان نحقق اللي بنحلم به.
84 مشاهدة
