ما هي طريقة تحضير طبق أمك حورية التونسي ؟

بنحتاج  المكونات  الاتية  : 

3 حبات جزر مقشر و مقطع دوائر 

حبة بطاطا مقشرة و مقطعة مكعبات

معلقة ملح

معلقة زيت نباتي 

فص ثوم 

معلقة كراوية

نص معلقة رب البندورة 


معلقة زيت زيتون 

زيتون اسود او اخضر لتزين

ربع حبة بصل

ربع حبة بندورة 

رشة بقدونس

حبتين بيض مسلوق 

طريقة  التحضير  : 

اول  خطوة  بنسلق  البطاطا  و  الجزر  في  مي  و  زيت  نباتي  و  بعد  السلق  بنهرس  الخضروات  و  بنضيف  عليها  الملح  و  الكراوية  و  رب  البندورة  و بعدها  في  مقلاة  بنضيف  زيت  الزيتون  و  الثوم  و  خليط  امك  حورية  الي  حضرناه  و  بنقلبو  دقيقتين  تقريبا  و  الخطوة  الثانية  بنضيف  الخليط  في  صحن  و  بنضيف  عليه  البندورة  و البصل  و  البقدونس  المقطعين  ناعم  و  بعدها  بنرتب الصحن  اول  طبقة  خليط  امك  حورية  و  بعدها  على  الاطراف  البيض  المسلوق  و  في  الوسط  الزيتون  و  ممكن  نستبدل  الزيتون  بتونة  او  قطع  لحمة  او  دجاج  

و  صحتين  و  عافية