إدارة الوقت هي الحل
ما بنقدر نحكي انو الموضوع صعب
حتى اكثر الامهات تنظيما ممكن يصيبهم توتر لما يكون عندهم مهام كتير بوقت قصير
بقدر اعطيكي نصائح لحتى تجربي تطبقيها بس القرار من عندك بيجي
شو هي اولوياتك و شو هيك اهدافك و طموحاتك و شو هي طاقة تحملك
بعض الاشياء اللي بتساعدني شخصياً
بستعمل دفتر لحتى اعمل خطه لكل يوم بكل المهام اللي علي اعملها و انجزها
بحط اولويات و اهداف منطقيه بقدر انجزها و كمية مهام متناسبه مع الوقت
بتجنب تعدد المهام بنفس الوقت، يعني كل هدف بحطو بنجزو بالوقت اللي الو
افصلي مسؤوليات الشغل عن مسؤوليات الامومه،. متل ما بيحكو الشغل بالشغل بتنجزي كل اشي عليكي و البيت خالي من الشغل و ضغط الشغل تماماً
قضاء وقت نوعي مع طفلك بعيداً عن كل المؤثرات الخارجيه (النوع فوق الكم)
حضري وجباتك بالليل او الصبح بكير و الطبخات السهله بنص الاسبوع
خلي الك كل يوم وقت لنفسك لو نص ساعه (رواق)
خلي روتين اكل و نوم لاولادك
اعملي انشطه سهله تشغلهم بالوقت اللي بتكوني فيه بتعملي شي تاني بالبيت بعد دوامك
قرار الشغل مو سهل و بدو تعاون جميع الافراد بالبيت
خلي القرار ينبع من جواتك مش من آراء الناس
254 مشاهدة
