انا هقول الاعراض حسب خبرتي انا الشخصية لاني كنت شخص خجول جدا وانا صغير، وحط في اعتبارك انه مش كل الاعراض هتبان عليك، لانه ده بيكون حسب مدى شدة الحالة او الموقف. الاعراض بتكون:
١. احساسا شديد بانك مراقب او ان في تركيز شديد عليك
٢. ضيق التنفس
٣. تفادي النظر الي الناس اثناء الحوار
٤. شعور بالتوتر يصحبه احساسا انك عايز تمشي او تقعد لوحدك
اكيد له علاج، بس انصحك انك تتابع مع دكتور اذا حسيت ان الموضوع صعب التحكم فيه، انا عملت كده والحمد لله بقيت احسن كتير جدا. وافتكر انه مش عيب ولا يقلل منك انك تتابع مع دكتور زي ما المجتمعات العربية ما بتصور لنا، كلنا مرضى بشكل من الاشكال. 😊
24 مشاهدة
