كيف يمكن الواحد يحسن نفسيته بهيك وضع عندي كثير شغلات أعملها بس نفسيا مش قادرة أنجز شي يعني بمر اليوم وأنا ما استفدت شي من جواتي مش قادرة أعمل شي شو ممكن يحسن من وضعي و كيف أرجع زي أول؟

انا مريت بمثل بموقفك ، حسيت بعمري ما اطلع منه وكنت كثييير  مدمرة نفسيا وشعرت بقمة الفشل وكان جداً شي مؤلم وما لقيت ولا أحد وقف جنبي .
وقتها اكتشفت انو حلي الوحيد اني أقوم نفسي بنفسي ،وأقنع حالي من جوا اني قادرة أعمل اشي بهالحياة وأكون ناجحة ، فبلشت اني كتبتك قائمة بالاشياء الي انا حابة أنجزها وصرت اعمل جدول يومي اكتب في كل ساعة شو أريد أعمل حتى لا يمر اليوم بدون ما أشعر ، وبنصحك تجيبي دفتر حلو وملون صدقيني يعمل فرق ويحسن من نفسيك وكل يوم تنجزي كل المهام كافئي نفسك وبعر فترة ارجعي اقرأي شو كنت كاتبه ورح تحسين بإنجاز كبير و تنبسطي من نفسك .
جربي وما رح تندمي أبد.

باعتقادي أن ظروف الحياة الحالية، مثل تفشي فايروس كورونا وما تبعه من إجراءات كالحجر المنزلي، وما شابه قد أدى لهذا الشعور بانعدام الحافز للقيام بأي شيء.
لكن الحل ببساطة يتمثل بالخطوة الأولى.
لذا فالحل البدء بالخطوة الأولى، فلو كانت أرضية البيت مفروشة بأوراق شجر الخريف وتحتاج هذه الأرضية لتنظيف، فإن إزالة ورقة واحدة اليوم أفضل بألف مرة من الاستسلام وترك الأوراق تتراكم يوما بعد يوم.
لذا من المهم البدء بالخطوة الأولى وجعل هذه الخطوة صغيرة بحيث لا تجعلنا ننفر منها، بل على العكس، تجعلنا نتشجع لتكرارها في اليوم التالي ومن ثم نستطيع تكبير تلك الخطوة تدريجيا.