هل ممكن حدا يفيدني إذا مرق بهذه الحالة وتعداها حالة هدوء و اكتئاب و سببها مو معروف،فقدت الاستمتاع بأي لحظة، في الشغل و مع الناس الي موجودين بحياتي، بعدت عن ناس بطريقة ما لاحظتها.؟

انا اخصائية نفسيه 

بكون اكتئاب او صدمة عاطفية ... مرقت بهالحالة وتجاوزتها ... المهم اهتمي بنفسك واشغلي حالك بامور بتحبي تعمليها وطوري من حالك ... كل ما عملتي نشاطات اكتر كل ما قدرتي تتجاوزي الحالة بسهولة واسرع ... ♥️♥️

نعم اعتقد ان الكثير من الناس قد مروا في تجارب مشابهة و لربما الحل هو في تكوين صداقات جديدة و تجارب جديدة، معرفة ناس جدد يمكنهم ان يضيفو شيء لحياتك، في البداية قد يشعر الانسان انه مجبر على القيام بهذه الامور لكن شيئًا فشيئًا ستصبح سبب في السعادة و ستقوم بها عن رغبة و سعادة ❤️

انا بمر فيها هالحاله لدرجة باب البيت ما بوصلة لأيام واسابيع 
التقرب من ربنا 
وهو الأحسن نضل بعاد عن الناس لانو انا يمكن صار عندي فوبيا منهم
والافضل تشوف أخصائي بس لتطمن ع حالك 
و ممكن يكون اكتئاب الشتا كمان

تقربي الى الله وابتعدي عن الاشخاص السلبين في حياتك 

حطي اهداف بحياتك بسرعة لان الحياة بدون اهداف ما لا طعمة 

أمر فيها، الأفضل أنك تستشري أخصائي، لأنها أول الطرق الموصلة للأكتئاب لو تقدري تشاركي صديق مقرب مخاوفك، أو تجربي اشياء جديده غير اللي تعودتي تسويها، بس ماتستلمي لها خليك بين الناس لو بتعزلي نفسك تكون فتره بسيطه، مو طويلة ! ماتستلمي!!!

يمكن انت/انتى بعيد عن ربنا ومحتاج انك تقربله🤲

مع انو عمري صغير بس راح احكي الي عندي لان هاي حالة مرقت فيها لـ اكثر من سبب تعيس... لما الانسان يدخل روتين حياة جديد و صعب و ينخذل من اكثر من حد قريب او بعيد عليه لما تحب شخص و تصير تكرهو لما تحس بضغط الوقت و الدراسة و الشغل و ما في الك متنفس او حتى شمت هوا و غير هيك كثير بتصير تحس حالك مكتئب و تعيس وحداني بس الموضوع ابسط من هيك كثير بعد التوكل على رب العباد تأكد بأنك قادر على تجاوز كل لحظة صعبة اطلع اتمشى بالشوارع البس سماعات و اسمع اي اشي بتحبو جرب اشياء جديدة ما عمرك جربت تعملها او تاكلها حتى لو بتكره الاشي جربو و ايي انسان بحتاح مساعدة ساعدو كثير راح انت تنبسط بس تشوف انك اسعدت انسان هاد اشي كثير بساعدك تحس انك لسا قادر تكمل ، اقعد مع ذاتك و نفسك بغرفة بعيد عن الكل و الضجيج و صوت السيارات و اصفن من ورا الشباك شو بدي و لوين راح اوصل ليه انا هيك حالتي ليه كئيب و هادي اترك قلبك و عقلك يتمشكلو مع بعض و بس تخلص لو بعد ساعة اضحك من قلبك شو عم بعمل اناا يلا نرجع طبيعي (الموضوع نفسي داخلي اكبر من انو موضوع روتين) بتمنى اكون ساعدت لو شوي و لا تنصدم من المجتمع سوي حالك ما شفت ++ be happy 🖤🥀