هل توجد فكرة إبداعية لتسويق زيوت المحركات؟

أولاً لازم تحدد الميزة التنافسية لمنتجك مثلاً نوعيته ووجود مواد فيه تجعل كمية الزيت تكفي لمسافات أطول أو تحافظ على الموتور وغيرها.. وتركز على اظهار هذه الميزة في كل وسائل التسويق المستخدمة. 
وقبل ما تختار الفكرة لازم تقدر تحدد مواصفات الشريحة المستهدفة، مثلاً هل هم من الناس اللي بعمل بحث على جوجل ليعرفو أحسن نوع زيت سيارات الأنسب وللا من الناس اللي بتروح عالمحطة وبتعبي من الزيت الموجود.. بعدين بتختار الفكرة المناسبة لهم.

ومن الأفكار المقترحة:
1- افكار تسويقية من خلال الانترنت مثل عمل فيديو يوتيوب يتعلق بعملية تعبئة زيت المحركات أو ما هي مواصفات أفضل زيت لمحرك سيارتك.. تحت مسمى عليه طلب مثل "كيف تعبئ زيت المحرك بنفسك ؟" أو " ما هي مواصفات الزيت المثالي لمحرك لسيارتك؟" ويحتوي الفيديو بالإضافة الى المعلومات والتعليمات الإرشادية منتج زيت المحركات وتعبئ مع سيارة براند فخم أو العكس حسب الرسالة اللي بدك توصلها.
بعدين تقوم بنشرها على صفحات التواصل الاجتماعي من الصفحات الخاصة بك سواءً فيس أو سناب أو غيرها... أكثر شير إله ولصاحبه تعبئة زيت مجاني وهاي المسابقات الالكترونية.. ويمكن تتبع طريقة مميزة في زيادة عدد المتابعين لصفحتك باعطاء نصائح عامة تتعلق بالسيارات أو تكتب أسئلة تأتيك من المتابعين وتنشرها ليتفاعل معها الجميع وغيرها من وسائل الجذب وزريادة المتابعين؟

2- عمل تحالف وشراكة تسويقية مع أحد براند السيارات المستهدفة، مثلا "مرسيدس اقوى مع زيت... " أو " موتور أودي يبتسم مع زيت..." وغيرها من العبارات البراقة مع البراند المستهدف.

3- استخدام المشاهير في التسويق  وعمل دعاية لمنتجك، مثل رحالة كثير السفر باستخدام سيارته يحتاج إلى نوع زيت بمشيه لمسافات أطول أو بقد يعبيه بسهولة أو غيرها حسب الميزة التنافسية.

4- عمل تعاقدات وتحالفات مع الموزعين او مع محطات البنزين مباشرة من أجل شراء منتجك بالمقابل نسبة معينة من المبيعات أو بوتص محدد عند تبلغ مشتريات المنتج رقم محدد.. وهذا يتطلب الكثير من الزيارات والعقود.

5- العروض الترويجية والخصومات مثلاً.. التعبئة الاولى من الزيت تكون بخصم 50 % أو مع غسيل سيارة مجاني أو اعطائه كوبون خصم للتعبئة الثانية أو الدخول في سحب على هدية.
وممكن كمان كوبون المعارف كمان تعطيه كوبون باسم صديق اله بيقدر يعبي زيت بخصم معين وهيك...