هو شعور مزعج جداً بصراحة ،بس لازم نكون واقعيين شوي...نحن بعالم فيو ترتيب هرمي وهاد شي لازم نتقبلو ...يعني طبيعي يكون في حدى بيتأمر عليكي ويأمرك فشغلك بالمدرسة بالنادي حتضل تشوفي هالشخصيات بس لازم تميزي إيمت هالشخص ألو سلطة عليكي ليأمرك وإيمت لا ...بس إذا بدك حل لهل شي الحل هو واحد من تنين،الأول:تكوني شخصية منصاعة بتسمع الأوامر بدون ما تحكي شي ولا تسأل ليش يعني فلتصبحي خاروفاً وهيك بترتاحي ومابتنزعجي ،التاني:تكوني أنتي شخصية قيادية وتكوني دوبلوماسية لتعرفي تسيري يلي بدك بطريقة بتعجبك وبتعجب الشخص يلي عبيأمرك وبيوم حتصيري إنتي يلي حتأمري نشالله،
أما بخصوص أهلك فالموضوع مختلف لأنو أهلك بيعتبروكي حرفياً قطعة منن ...صح أحيان بعبروا عن هالشي بطريقة مستفزة بس مافينا ننكر أنو هن بيعتقدوا عميعملوا الأحسن ألك بس أنو هن يلي ياخدوا قرارات حياتك هاد شي غلط بس بنفس الوقت ما فينك تشيليون من حياتك وقراراتك فلازم برأي تفرجين إنك مسؤولة كفاية لتاخدي هيك قرارات مهمة وهالشي بيجي بالنقاش أغلب الأحيان(بعرف ممكن يكونوا من النوع يلي ما بناقش ويلي بدن لازم يصير بس لازم تضلي تحاولي حتى توصلي لمرحلة أنو يسمعوكي)
390 مشاهدة
