هل أنت مع ضرب الأطفال في حال الغلط أم التفاهم؟

انا لا افضل نهائى الضرب ( وخصوصا الضرب بالعصى او الضرب على الوجه )

لانى بحس انه بيدمر شخصيه الطفل

ولكن راى ان الطفل فى خلال سنينه الاولى بيقلد المحيط اللى عايش فيه ( يعنى المشكله فينا احنا اللى بنعلمه السلوك الخطا , بقصد او بدون قصد وبعدين نرجع نغضب انه بيعمله ونضربه عليه , يعنى لازم نخلى بالنا كويس جدا احنا بنعمل ايه قدام العيون البريئه دى )

وممكن نعاقب الطفل بوسائل تانيه مثل خصامه مثلا فتره او تجاهله او حرمانه يوم من مصروفه او التوضيح ليه انه اللى عمله خطا ولو كرره هيكون فى عقاب وخليه هو يختار نوع العقاب بنفسه

طبعا كل طفل حسب سنه وتفكيره هيكون اسلوب التفاهم معاه

وبرده لازم احنا نتعايش معاه ونشركه فى حياتنا ومنفضلش نبصله على اساس انه ليس طفل لا يعى شىء

يعنى مثلا ممكن وانا بقرا قران اجلسه على رجلى واحرك اصبعى على الكلمه اللى بقراها

احاول اكلمه عن الحياه باسلوب مبسط , حتى ممكن اكلمه عن بعش مشاكلى واطلب منه انه يقترح عليا حلول