أفضل طريقة لتحسين مستواك في الكتابة هي الكتابة نفسها، لما بتكتب بإستمرار في المجال اللي أنت بتحبه زي المقالات أو غيرها هتقدر تحسن من أدواتك وأسلوبك، لكن فى ناس بتشتكى انها مبتعرفش تتعمق في الكتابة وبتوصل فى الأخر لمحتوى سطحي !
الحل الوحيد للنقطة دي هو الكتابة بشكل يومي وتخصيص جزء من اليوم حتى لو نص ساعة للكتابة، طب لما نكتب كل يوم هنوصل لأية يعني يا ندي ؟
١. تفريغ الأفكار المتراكمة على الورق و وجود مساحة لظهور أفكار جديدة.
٢. تنمية وتحسين مهارة الخيال عن الكتّاب خاصة اللي عايز يكتب قصص أو روايات.
٣. تحسين المهارات التعبيرية واكتشاف ألفاظ جديدة.
٤. تحسين الحالة المزاجية والشعور بالسعادة والراحة أها والله جربوا كدا 😀
٥. تحفيز الخلايا العصبية في الدماغ على التفكير وأن تكون أكثر إنتاجية.
٦. التركيز على أداء المهام بفاعلية جيدة.
٧. الحصول على محتوى جيد ومتعمق ويقدم أفكار مميزة.
جربوا تكتبوا كل يوم لمدة شهر أى حاجة وأى أفكار تيجي في بالكوا في أول 3 أو 4 أيام وبعد كدا أبدأ بالمجال اللي حابين تشتغلوا فيه زي كتابة المقالات أو كتابة منشورات للسوشيل ميديا أو القصص وابدأو اعملوا تقييم لنفسكوا ومقارنة من بعد الاسبوع الاول وبلغوني بالنتيجة هكون سعيدة جداً ❤️
14 مشاهدة
