أسوء موقف حصلي هما موقفين شبه بعض لكن فيه فرق بالرابط بيني بينهم
الأول ظلم اتعرضت ليه من حد يفترض اني فرحته كتير وشيلته في محن كبيرة لوحدي وكنت بديه احترام مبالغ فية فوجئت انه عامل ليا محضر تعدي وشكوى بمحكمة بحجات افري عليا فيها ولما عرفت معتبتوش عادي لان الحجات دي محتاجة أدله يعني لو عملوا تحريات واثق بالله أنه هيتم قفل المحضر بسبب ان التحريات نفت الاتهام وبدون أي استجواب لي حتى وهذا ما حدث الحمد لله ولا حتى سألوني انا اللي روحت عاتبت المحكمة انهم ازاي ميتمش استجواب في اتهام خاص بيل لأنهم مبعتوش ليا. لكن الموضوع دا وجعني جدا. جدا ومش هنساه ابدا
التاني نفس الأمر بس شخص قعيد كنت انا بحاول اساعدة فعملت ليه مشروع تجاري يدر عليه دخل يعيشة عيشة كريمة الفلوس كانت عبارة عن مساعدات من ناس اصحابي وانا بوظفها لمن يستحق كان فيه شرط انه لا يجوز بيع المشروع لانه صدقة جارية من المتبرعين فلابد من استمراره كما هي والا تم سحبها لعدم الجدية
فضلت اتابع لحد ماعرفت ان المشروع بيتباع كاملا لان ا
مبقاش حد بيديها صدقات زي الاول عشان بقى عندها مشروع فحبت تبيع المشروع عشان ترجع تستعطف الناس ودا سلوك مكنش كويس
فقعدت معاها وطلبت تكمل وهكبر المشروع لها رفضت، قولت هسحبه قالت اسحبه مش عايزاة،، راجعت أصحاب التبرع بالموقف قالوا يروح لمن أحق منها ، عرفت ان حد كان جاي يزورها يعمل في دولة عربية وهيتكفل بيها كانت راسلته ع الإنترنت، فعايزة ييجي يلاقيها على البلاط عشان يديها مبلغ شهري كبير
بعد ما الناس تكفلوا بيها واطمنت. اشتكت لصحفي اني سرقتها وعايزة تعملي محضر وتفضحني على السوشيال ميديا
وساومني هوا اني ادفع مبلغ ليها كبير ويسكت انا رفضت وقولت ليه نقعد واسمع واحكم رفض يسمع واداني مهله اسبوع والا بلغ النيابة بعلاقاتة الكتير اني بجمع فلوس من الناس لدعم الاخوان بمصر وهوا مقرب للشرطة يعني
مريت بكرب كتير جدا خوفا على والدي انه يشوفني في موقف زي دا دا بس كان همي
دعوت الله عليهم
لم يمر اسبوع المهلة الا وكان تم إعتقاله بتهمة الانضمام للإخوان وكذا قضية واتاخد منه ضعف المبلغ اللي ساومني عليه عشرين مرة والي الان مر عامين على إعتقاله
والحمد لله ربنا ستير لكن الأمر ليه مرارة كبيرة وبقى بيخوفني من الناس شوية
50 مشاهدة
