الكتابة من وجهة نظرى مهارة جميلة ممكن أى حد يمتلكها لو عنده شغف وحب ليها، بس هل ممكن أى حد يعرف يكتب حتى لو هو مش موهوب بالكتابة كمان يبقي كاتب مميز عن غيره ؟
ايوة طبعاً ممكن أى حد يقدر يكتب والكتابة تبقي مصدر رزق ودخل ليه فى المستقبل طب إزاي؟
١. التغذية العقلية والسمعية، عارفين التغذية البصرية هي دي نفس الفكرة بالظبط انك بتعود عقلك أنه يعمل قاموس لغوى من مصطلحات اللغة عن طريق كثرة السمع والقراءة، والبعد عن اى مصدر فيه ألفاظ مغلوطة لان كل دا هيأثر على أسلوبك الكتابة بتاعك فى المستقبل، فكل ما كنت بتسمع وتقرأ لناس أسلوبها راقى دا هينعكس على أسلوبك.
٢. كثرة القراءة والإطلاع، كتر القراية هيحفز حس الكتابة عندك خاصة قراءة الروايات هتحسسك أنك اية دا منا ممكن أمسك القلم وأكتب.
٣. تجربة الكتابة، أبدأ أمسك القلم ومتكسفش أكتب بأى لغة وأى أسلوب تحبه، بس أهم حاجة تعرض كتابتك على حد يقيمها صح ويقولك اية مميزات وعيوب أسلوبك عشان تطور من نفسك باستمرار.
تلميح بسيط: النقط اللي فاتت دى تعتبر نقطة أنطلاق مستمرة يعني لو وقفتها هتوقف الكتابة غصب عنك لأنك مش هتلاقي حاجة تكتبها.
طب إزاى أطور اسلوبي الخاص في الكتابة لو أنا كاتب بالفعل ؟
أنا مؤمنة جداً إن كل إنسان عنده حاجة هو بس اللي بيتميز بيها عن غيره من كل البشر الموجودين في العالم، وما دمت أخترت أنك تكون كاتب فلازم يكون عندك أسلوب مُبدع ومميز عن كل الكتّاب اللي حواليك.
والسؤال المهم دلوقتي هل أسلوبي في الكتابة بيحتاج إني اهتم به وأطواره عشان يبقى مُبدع و مميز فعلاً ؟
أيوة فعلاً أسلوب الكتابة بيحتاج إهتمام عشان يتطور ويتقدم ويبقي ليه جمهور متابعه باهتمام، طب نعمل اية عشان نطور أسلوبنا في الكتابة ؟
هنعمل الآتي:
١. بناء جمل قصيرة، الجملة الطويلة بيبقي صعب الجمهور يفهمها بسهولة، لكن الجملة القصيرة بتبقي سهلة وبسيطة وبتوصل المعنى المقصود للجمهور، وطول ما الكاتب يقدر يكتب جمل قصيرة بتوصل معنى معين للقارئ وبتخلي دماغه تكون صورة عن المعنى من خيالة فكدا أسلوب الكاتب في تطور مستمر.
٢. اعرف جمهورك، كل لما تعرف أنت بتتكلم مع مين كل ما أسلوب هيطور ويقدم محتوى ناجح، يعنى مثلاً لو بتكتب محتوى هيقراه أطفال غير لما تكتب محتوى هيقراه ناس بلغت الـ 30 سنة.
٣.أسمع اللي انت بتكتبه، بعد لما تخلص كتابة أقراء اللي انت كتبته بصوت مسموع عشان تعرف انت فعلا قولت كل اللي جواك وعبرت عن مشاعرك فعلا ولا فيه حاجة ناقصة.
٤. اعرض عملك على شخص آخر، في كل الأحوال لازم تعرض كتاباتك على متخصص يقدر يقيم أسلوبك ويقولك عيوبك عشان تشتغل عليها ومميزاتك عشان تدعمها وتقويها.
14 مشاهدة
