كيف أتعامل مع بيت حماي وأنا مخطوبة حديثاً، وكل ما أسمعه عن بيت الحما لا يبشر بخير؟

١. اول اشي لا تبني علاقتك معهم على اساس حكي الناس وتجارب الاخرين.
٢. حطي ببالك انه الدخول على عائلة جديدة هو مش دخول على حرب ومشاكل.
٣. تصرفي ع طبيعتك ولا تتصنعي.
٤. الي ما بتقبليه على اهلك لا تقبليه عليهم.
٥. خلي عندك جانب رسمي خفيف في التعامل (لتحفظي خط الرجعة دائماً) في حال ما كانت الامور تمام.
٦. لا تحكي اسرارك الخاصة لأي حدا منهم ( مش لانهم مش مناح بالعكس، بس خوف من انه ينتقل الحديث بشكل غير صحيح).
٧. التصرف الي ما بتحبي انك تتصرفيه اوعك تعمليه من باب المجاملة لانه رح يصير فرض عليكي.
٨. احترامهم واجب عليكي، و كوني لطيفة معهم.
٩.لا تحكي على حدا بالعاطل قدامهم ( امامهم).
١٠. اكتمي اسرارهم وما يحدث داخل منزلهم.
١١. لا تقارني حالك بأهل خطيبك وتحطي خطيبك بموقف انه يختار بينكم، (كل حدا اله مكانة خاصة ومختلفة).
١٢. لا تتدخلي بين خطيبك واهله بالمواضيع الي ما الها علاقة فيكي.

مش ضروري انك تصادفي كل هاي النقاط، الحياة سهلة وبسيطة بس بدك تكوني ذكية وتعرفي تتصرفي في كل المواقف.