هل يوجد طريقة جيدة ومجربة لإدارة المصاريف مع إمكانية الادخار؟

اذا بدك جد تنظم المصاريف وتدخر يجب أن تتقيد وتلتزم بمجموعة من القواعد :

1- تحدد نمط المعيشة اللي انت بتقدر  عنجد تعيش فيها (Lifestyle)..
يعني مثلاً هل من المنطق تجيب براندز وتعمل سهرات واعياد ميلاد وإنت أصلا مو قدرتك وتراكم على نفسك ديون ما تلحق على سدادها؟ الجواب بيعتمد عليك وعلى نمط المعيشة اللي رح تختاره إلك وفقاً لقدراتك المادية.
2- تحدد نمط الصرف المالي.. مثلاً هل مسموح الدين وإذا مسموح شو ضروراته وكم الحد المسموح فيه.. هل تجيب مشتريات بالاقساط وشو هي والحد المسموح فيها.. وهكذا 
3- تحديد ميزانية ومخصصات لكل نوع صرف عندك.. مثلاً الاكل والشرب 200 دينار وبنزين سيارة 200 دينار وهكذا.. مشان تعرف المصاري وين بتروح.
4- مراجعة وتحليل ميل المصاريف عندك ... مو بس صرف ؛ يعني مثلاً إنت حاطط للاكل والشرب 200 دينار وللبنزين 200 دينار بس اكتشفت إنو الاكل والشرب كلّف 300 والبنزين 120 دينار وتكرر هذا بأكثر من شهر.. يبقى لازم تعدل الميزانية بناءً على ذلك.
5- لازم تأخذ بعين الاعتبار مواسم الصرف؛ متل العيد أو بداية المدرسة... وممكن تعمل ادخار خاص مقداره مثلاً 5% من الراتب لهذه المصاريف.
6- تحديد مبلغ مالي للادخار كنسبة من الراتب تتراوح تقريباً 5-10% أو حسب ما بتحتاج تدخر.. بحيث لو شو ما صار معك ما تقرب عليه.. ممكن تدخل بجمعية أو تفتح حساب ادخار ..

برأيي الشخصي أهم نقطة في ادارة المصاريف تعمل ميزانية ومخصصات لكل اشي بحياتك؛ للاساسيات وللكماليات وللمواسم وكل التفاصيل.. وتتابع عنجد وين بتروح المصاريف ممكن باستخدام تطبيقات الهاتف التي تتعلق بالمصاريف أو بالاكسل...وقتها بتقدر تميز كيف ممكن تدير مصاريفك ومن وين تدخر ومتى..
انا شخصياً أفضل الإكسل بحيث ممكن تستخدمه سنة لقدام أو أكثر.. ممكن تعمل فيه خطة مالية لخمس سنوات.. وكمان شيت فيه خطة مالية لسنة مثلا..وهكذا، وكمان بيسهل عليك المقارنة بين المخطط للصرف وبين الصرف الفعلي وبكون واضح جداً فيه مصادر المال اللي رح تيجيك..

للأدخار يجب معرفة الأولويات وذلك يعني ما يلي 
معرفة الامور الأساسية والثانوية في البيت والعمل وعليه تتم إدارة المصاريف وفقا لذلك فمثلا في إدارة المنزل تعتبر فاتورة الكهرباء متطلب أساسي يقدم على شراء شوكولاتة وشيبس وبنفس الوقت فإن عمل ميزانية المصاريف امر مهم حتى لا يحرم الإنسان نفسه ويعيش بتوازن