يختلف الموضوع حسب تفكير البنت و تربيتها ، يلي مش شبعان من بيت اهله بعمره مارح يشبع و رح تضل طول عمرها تبحث عن رجل معه اموال و تطمع فيه ، و لكن الفتاه يلي شبعانه ما رح تبحث غير عن رجل يسترها و يكون صاحب ادب و اخلاق فقط.
أكيد على حسب التربية وعلى حسب ثقافة البنت، البنت التي تبحث عن مال الرجل تمثل نفس سطحية تفكير الرجل الذي يتزوج لجمال المرأة فقط. لذلك كل ما زادت ثقافة الطرفين عن الجياة الزوجية كلما كانت معايير القبول والبحث عن شريك الحياة عميقة. ابحث عن البنت التي تملك هذا الفكر
هي طبعًا حسب التربية والبيئة ، بيرجع الموضوع لشخصيتها واهتماماتها واولوياتها ، لو هي فعلا بنت واعية ما رح تنبهر بالمصاري والشهرة ، مو هو أساس قرارها، بس هاد ما بيمنع لو شخص عنده مصاري وعجبته شخصيته انه تختاره...
بالآخر هو إنسان بدها ترتبط في الأهم تربيته وشخصيته..
لا يمكن إصدار حكم عام أنه كل البنات بتفضل نوع معين لأنه في بنات ما بهمها الأخلاق إذا الفلوس موجودة والعكس وفي بنات بالنسبة لها الأخلاق والفلوس بنفس الأهمية
شخصياً ما بآمن بالحب المعنون بـ "طوبة طوبة" و "بعيش معك عالزيت والزعتر" الحياة واقعية أكثر من هيك وفي متطلبات ومسؤوليات لما تواجهنا الحب ما بعطينا القدرة أنه نتحملها زي الجوع مثلاً أو أنه البنت تضطر تعيش مع زوجها في بيت متهالك في سبيل الحب
26 مشاهدة
