كيف أستطيع أن اسدد الديون التي علي إذا كنت تاجرا وإذا كان السوق ليس به حركة كثيرة وأريد أفكار لزيادة الدخل؟

في البداية بدك تحسب شو عندك من مال، عقار، بضاعة.. وكيف ممكن تستخدمها لسداد الديون..
وفي عندك اكثر من طريقة بتحددها حسب طبيعة الديون اللي عليك..
مثلاً في طريقة انك تبدا بسداد الديون الصغيرة اللي عليك عشان تعوّد نفسك على الاقتطاع من دخلك وسداد الديون.. بإنك هذا الشهر اقتطعت من دخلك مئة دينار وتكيفت على هيك.. الشهر اللي بعده 150 وتكيفت عليه... وهيك...
لكن هذه الطريقة يمكن ما تزبط اذا كان عندك ديون بفوائد عالية.. فالديون اللي بفوائد عالية لازم تسددها بالأول سواءً كبيرة أو صغيرة لانو كل ما طالت المدة عليك كلما ارتفعت الفوائد..
وإذا ممكن تعمل تسوية للديون بإعادة جدولتها بأقساط شهرية بتقدر تدفعها.. سواءً مع البنك او مع زملاءك من التجار والمزودين وممكن تقدملهم تسهيلات أو شراكات مقابل ذلك يتعلق بما تملك من بضائع او مهارات..
وفي طريقة بس هي فيها مغامرة كمان مو كتير بنصح فيها.. اذا كنت متأكد إنو في وقت معين رح تزدهر تجارتك ممكن تاخد قرض كبير تسدد فيه ديونك وتعمل موعد السداد بوقت متأخر شوي لغاية ما ترتب أمورك.. وهيك بتكون ديونك من مكان واحد.. لكن هذه الطريقة لن تجدي نفعاً في حال لم يكن لديك ادارة مالية بل ستراكم عليك المزيد المزيد من الديون..وهذا المقال قد يفيدك أيضاً

أما بخصوص طرق الدخل فهذا بيعتمد بالدرجة الأولى على ما لديك من اصول أو ما لديك من مهارات.. ممكن تشتغل عمل حر بمهنة معينة بالاضافة للتجارة أو ممكن تزيد دخلك بعمل شراكات مع تجار اخرين بكملو منتجك هو بستفيد وإنت بتستفيد .. ممكن توسع تجارتك بحيث تستخدم نفس الأصول اللي اصلاً عندك...