كيف أبدأ عملي ككاتب محتوى، أريد تجربة هذا العمل الذي أصبح يرتاده الكثير؟

كيف تبدأ عملك ككاتب محتوى؟
 يمكنك أن تبدأ من هذه الأجابة التي ستحتوى على 7 خطوات أساسية تضع قدمك على الطريق بشكل صحيح، ولكن بعد القراءة سيقع على عاتقك الكثير من العمل فهل أنت مستعد؟

1. تحديد المجال التي ستكتب عنه، كتير من كتًاب المحتوى بيهملوا الخطوة دي لخوفهم من إختيار المجال الغلط، وكتير منهم بيشتغل في كل المجالات زي منا عملت لفترة كبيرة من شغلي في المجال، لكن لما حددت مجال محدد للكتابة فيه زادت خبرتي بشكل خلاني مميزة في المجال دا وبالتالي زاد سعر مقالتي.

طيب ازاي احدد المجال اللي عايز أكتب فيه بنجاح يا ندي ؟ عشان تقدر تحدد لازم تجاوب على الأسئلة دي :

- اية المجال اللي بتحبه وعندك شغف لية ؟
- اية المجال اللي مستعد تتعلمه عشان تكتب فيه ؟
- اية هو المجال اللي قريب من دراستك وموهبتك وخلفيتك المهنية ؟

2. إمتلاك عينات من كتاباتك، ممكن تكون شاطر في انك تقول قد اية انت بارع في الكتابة لكن أقصر لطريق هو أنك تمتلك نماذج من كتاباتك، بعد ما تختار المجال المناسب ليك أكتب عينات في موضوعات مختلفة تقدر تبرز أسلوبك وموهبتك في المجال.

3. انشاء معرض أعمال خاص بك، خلاص بقي عندك نماذج فاضل بس تحطهم في حتة سهل توصل العميل ليها عشان يشوف اللي انت كاتبه، وأسهل معرض أعمال ممكن تعمله على جوجل درايف واللي تقدر تعرف عنه أكتر من خلال الرابط دا
https://www.instagram.com/p/CFfPEFFBxtF/

4. ايجاد مشاريع واعمال للتقديم عليها، طيب المشاريع دي هتلاقيها فين ؟ هتلاقيها على مواقع العمل الحر العربية أو الأجنبية على حسب لغة تخصصك في الكتابة، هتعمل حساب وتقدم عروض تجذب العملاء ليك، ومعظم المواقع دي بيوفر خيارات إضافة نماذج أعمال عشان تقدر تبثت مهارتك لأي عميل، وعشان تتعلم إزاي تقدم عرض جذاب للعملاء شوف الرابط دا
https://www.instagram.com/p/B-xSg2uBpRo/

5. ابدأ بإرسال العروض، ممكن تشتغل كاتب محتوى من أى مكان في العالم بمرتب ثابت وبمدة أطول من مشاريع الفريلانسر عن طريق إرسال عروض عن طريق الأيميل لمواقع بتحتاج كتاب محتوى متميزين زي موقع موضوع.

6. احصل على عميلك الأول، دي أصعب خطوة في مجال العمل الحر وخاصة كتابة المحتوى لأن المنافسة شديدة جداً، وعشان تحصل على عميلك الأول لازم تحدد سعرك حسب خبرتك في المجال وحسب شغلك من غير تقييم لنفسك ولشغلك وعشان تعرف إزاي تسعر مقالتك ممكن تتفضل وتدخل على الروابط دي بالترتيب
https://www.instagram.com/p/B4HmoVThKL9/
https://www.instagram.com/p/B4IftJ_h7mi/
https://www.instagram.com/p/B4LUl3JBsi_/
https://www.instagram.com/p/B4PFspjhQD3/

7. احصل على قيمة تعبك، احلى خطوة في خطوات الشغل كلها انك تكسب فلوس من تعبك فعلا، واكتر الطرق امان هي الباي بال أعمل سرش على جوجل وشوف شروطه بالنسبة لبلدك.